Warning: Missing argument 2 for JCacheControllerPage::store(), called in /home4/chintv/public_html/plugins/system/cache/cache.php on line 110 and defined in /home4/chintv/public_html/libraries/joomla/cache/controller/page.php on line 122
About Us

About Us   (Click Here for English version)

Chin TV International Inc. cu Chin miphun, Chin țong le Chin ram țhansonak dingih ruahnak neitu pawl rawnaw khawmih tuah khawm suak mi a si. Himi ruahnak a suak nak cu a rei zonan, hmaisabik Chin TV thuthan nak cu July 18, 2012 ah mipi zoh le ngai thei dingin thlah hmaisabik a rak si.

Miphun pakhat le ram pakhat țhansonak dingih a țulmi lakah “thutheihnak (knowledge)” hi a tel vekin, kan mipi pawl theih țulmi thuthang an theih thei nak ding bik ih tuah suakmi a si. Kum zabi 21 sung kan thleng zo vekin, Chinmi tla, a cang thei tawk in leitlun thu le hla, Chin țawng in mithmuh ih zoh thei, ngai thei ding ih duhsaknak thawn tuah suakmi a si fawn. A tawi zawng cun, Chin mi pawl kan theih țulmi thu le hla (news) tete kan theih theinak dingih tuah mi a si.

Mipi lam khalin, Chin TV thuthang a suak tinten, rak zoh thei ringring dingin kan lo dil. A zoh le ngaitu mipi an um lole a tuahtu ih tuah man san a neilo ding. Tu ni tiang, mipi lam ih thazang pek nak tampi kan hmu tikah, lungawi nak sim cawklo, Chin TV ihsin kan nei a si.

Cubakah, Chin TV ih, țuanvo nei pawl hi, mah le hnațuan nei cio le hrekkhat tlawngta tete an si tikah, thil le ri a ttulmi tete sumpai lam in daihaw lonak tampi a um. Thil le ri țha neih ah cun, Chin TV khal quality neizet in a suak thei ding tinak a si. Mipi lam ihsin, sumpai lam leh ruahnak in siseh, in bawm thei ringring ti kan lo theih tir duh. Chin TV ih hna țuan pawl hi, pumpek aw in alak ih țuan an si.

Chin TV in tu sun ni tiang thuphuan nak a nei mi pawl tla cu tulai thil cang rero mi (current news) leh rinlo paral ih cangmi thuthang (breaking news) pawl hi tu hrih ah cun, a tlangpi in caan tawite sungah phuan thei sun a si hrih. Pathian in caanțha in pe le nehhnu vivo ah cun, “Live” rori in thuthang kimcang deuh phuan suah thei caan a thleng leh ding kan beisei.

Tumtah mi:

1.Chin țongih thuthang than nak in mipi thu theih nak karh tir ding

2.Chin țong kilkhawi nak ding

3.Chin țong khaisang nak ding

4.Chin mi cawisang nak ding

5.Chin ram khaisang nak ding.

Go to top